قصة من جد حلوه

القلم الساخن · 07-03-2009, 01:45 AM

سالفه حصلت بعنيزه قديما
اكيد شوقكم العنوان وخشيتوا بس انشاء تعجبكم

كان فيه شاب من اهل عنيزه وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقر ذاك الزمان
المهم امه العجوز شبت عليه وقالت له ياوليدي ورى ما تعرس
وودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل يوووه
المهم الححت عليه وهو وافق
وخطبتله امه هاك البنيه ( اللي كللها ملح )
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويودده
لكن المشكله عاد ب( المامي) تقل تضايقت شوي من الوضع(نغرت)
-----------> وهذي فطره عند اغلب الحرييم الكباار خاصة مع عيالهم
--->غصبن عليها
بدت إذا جاء الولد عقب الظهر داايخ
من الشغل وده يتغدا ويناام قبل يأذن العصر.
وأول مايصك باب الغرفه هو والمره إلاّ والوالده رانعتن عليهم الباااب ( تنكيد يعني) قومو صللوا يالله
وان كان هو ماأذن تطق وتقول قومو تولموا توضوا قبلالاذاان..
ورزح هالباب ماتواطنهم بالغرفه تنهبل
والولد ماغير ( يقول إنا لله وانا اليه راجعوون ) وش جاه أمي
وتطور الوضع بدت العجيّز
إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول...
ومرّه الولد كان عند رفيقن له يقالّه ابوصالح (معرووف بالعياااره )كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعن؟؟
قال الولد تكفى اللي تبي
بس فكّنا ياشيخ
قال أجل ابقول لك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قل لي
المهم قاله الطريقه واتفقوا
يوم صار من باكر عقب العصر
جاء ابوصالح لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
(كانت بيوت الاولين صغار بالحيل وهدوء لدرجة ان اللي بالبيت يسمع كلام اللي بالشارع والعكس*)
المهم طلع الولد قال
ياهلاااااا ابو صالح يالله حيه
ادخل اقلط تقهوى
قال ابوصالح
لاوالله يابوفلان أنا مستعجل بس جيت ابيمنك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوصالح بولده)
قال الولد ادخل يارجال واطلب الّلي تبي
الّلي تبي بس تقهوى
قال ابوصالح .. الّلي ابي؟؟
ماتردّن
قال الولد : والله ماأردّك لو تبي كل بيتي ومابه بس ادخل .. إلاّشي واحد ماأعطيك إياااه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمح لي ماأقدر أطلب كل شي إلاّ هذي ..
قال ابوصالح وراااه؟؟
قال الولد : الله يعظّم أجره أميمتي
تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبلالفجر . وتقومنا للفجر حريصتن علينا
والله مااأفّلبه ابد الله يخلّيها لنا ان شاء الله
قال ابوصالح : والله الصّراحه أنا جااين أخطب الوالده أجل
قاال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه
( كل هالكلااااام والعجيّز تسمع!! ومنهبله)
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل سايح وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلات الفجر ولا العصر
عسى مااااشر ؟؟
قاالت العجييز: قومو أنتم عسااكم للكسااميير خلاااص انا منب دايمتن لكم
خخخخخخخخخ
وبدت ماتطق عليهم وافتكّو من شرّه
وهي على رجاء خطبه ابوصالح

مقناص · 07-03-2009, 06:35 AM

هههههههههههه
والله قصه تونس وخبال العجايز واجد
يسلمووو اخوي على هيك قصه

القلم الساخن · 07-03-2009, 02:11 PM

الله يسلم قليبك مقناص

بنت المعولي · 07-03-2009, 03:46 PM

هههههههههههههههههههههههه

يسلمووووووووووو حلوه القصه

القلم الساخن · 07-03-2009, 04:41 PM

شرفني مرورك بنت المعولي

07-03-2009, 06:35 AM	رقم المشاركة : 2
مقناص VIP مزاجي:	رد: قصة لاتفوووووووووووووتكم من جد حلوه هههههههههههه والله قصه تونس وخبال العجايز واجد يسلمووو اخوي على هيك قصه

07-03-2009, 02:11 PM	رقم المشاركة : 3
القلم الساخن عضو جديد	رد: قصة لاتفوووووووووووووتكم من جد حلوه الله يسلم قليبك مقناص

07-03-2009, 04:41 PM	رقم المشاركة : 5
القلم الساخن عضو جديد	رد: قصة لاتفوووووووووووووتكم من جد حلوه شرفني مرورك بنت المعولي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نكت محششين حلوه مره لاتفوتكم	P0P $T@R	فرفشه ، ضحك ، نكت ، طرائف ، مقـالب ، مـرح	11	12-19-2009 01:54 PM
الــى من احببتــه	فتاة ابكت القمر	خواطر، نثر، عذب الكلام، همس وبوح، فضفضه	3	06-13-2009 12:53 AM
أخطأت الإختيار في حبك ؟ ღ♥ღ	ملاك شوق	شعر، دواوين شعر، أبيات شعر،قصائد مسموعه	2	05-19-2009 07:50 PM